SÊYEMÎN KONFERANSA CIWANAN
DI ROJA XWE YA SÊYEMÎN DE DEWAM DIKE

Sêyemîn Konferansa Ciwanên Kurd a Netewî di roja xwe ya 3. de dewam dike.

Di nîqaşên doh de li ser girîngiya lidarxistina Kongra Netewî ya Neteweyî hate sekinandin.

Sêyemîn Konferansa Ciwanên Kurd a Netewî ku bi tevlîbûna ciwanên ji aliyê Kurdistan û derveyê welat 26'ê Adarê li Rimêlan destpê kir dewam dike..

Di roja duyemîn ya konferansê de rewşa Rojavayê Kurdistanê û girîngiya piştgiriya gelê Rojava hatin nirxandin..

Ciwanan li ser  parastina destkeftiyên gel û avakirina sîstema xweseriya demokratîk gotûbêj kirin û anî ziman ku pêşveçûnên li Rojava bandora xwe li perçên din yên Kurdistanê jî dike..

Her weha ciwanan avakirina saziyên sivîl, YPG û hêzên asayîşê yên di bin sîwana Desteya Bilind a Kurd de nîşana asta pêşketina şoreşa gelê Rojavayê Kurdistanê bi navkirin.

Delegeyên konferansê ji bo parastina destketî û nirxên şoreşê, bal kişandin ser girîngiya yekîtiya ciwanên Rojavayê Kurdistanê û tevlîbûna wan nava YPG'ê û asayîşê..

Ciwanan di axaftinên xwe de avakirina komên çekdar ji aliyê hin partiyên siyasî yên Rojava û bandora wê ya neyînî li ser rewşa Rojava jî anîn ziman...

Di axaftinan de ji bo pêkanîna Kongra Netewî ya Kurdistanê jî îşaret bi rola pêşeng ya jin û ciwanan hat kirin..