Serokwezîrê Herêma Kurdistanê Mesrûr Barzanî bi gotinên tund êrîşa balafira bêmirov a Îranê ya li ser ofîsa wî ya taybet a li navçeya Pirmam a Hewlêrê û avahiya Serokê Ajansa Îstixbaratê şermezar kir.
Barzanî li ser hesabê xwe yê medyaya dîjîtal daxuyanî da û diyar kir ku piştî lêkolîna Yekîneya Têkoşîna Li Dijî Terorê ya Kurdistanê hate tespîtkirin ku êrîş bi dronên Îranê pêk hatiye.
Yekîneya Têkoşîna Li Dijî Terorê ya Kurdistanê jî têkildarî êrîşê daxuyanî da û ragihand ku 17’ê Tebaxa 2026’an saet 00.28’an ji sînorê Îranê du dronên bombeyî yên bi tîpa Hadid-110 berê xwe dane Ofîsa Taybet a Serokwezîr û avahiya Serokê Ajansa Îstixbaratê.
Hat diyarkirin ku di êrîşê de ti windahiyên can çênebûn.
BARZANÎ: HEWLDANEKE XETER
Barzanî êrîş weke “bêberpirsyar, bêperva û nayê qebûlkirin” nirxand û got, ev yek li hemberî ewlehî û îstiqrara Herêma Kurdistanê gefeke rasterast e, ev hewldaneke xeter e.
Barzanî destnîşan kir ku rêveberiya Herêma Kurdistanê wê wezîfeyên xwe bidomînin.
