Ciwanên Welatparêz ên Kurdistanê derbarê cezakirina kesekî li bajarê Kamyaranê Rojhilatê Kurdistan bi navê “Mihemed Îbrahîmî”, ku bi navê “Heme Çikol” jî dihat nasîn de daxuyaniyek weşand.
Di daxuyaniyê de hat ragihandin ku kesê navborî di şehîdkirina gerîla û pêşmergeyên Rojhilatê Kurdistanê de rolê lîstiye û duh şev (12’ê Hezîranê) ji aliyê yek jî tîmên Ciwanên Welatparêz ve hatiye cezakirin.”
Daxuyaniya Ciwanên Welatparêz ên Kurdistanê wiha ye:
“Ji raya giştî re; Me li bajarê Kamyaranê ajanekî xirapkar ji ber kiryarên wî ceza kir.
Şeva borî ajanekî xirapkar bi navê Mihemed Îbrahîmî, ku bi nasnavê ‘Heme Çikol’ jî dihat nasîn, û destê wî di şehîdkirina gerîla û pêşmerge û tepeserkirina gelê me de hebû, li bajarê Kamyaranê ji aliyê tîmek hevalên me ve hat cezakirin.
Em, ciwanên welatparêz ên Kurdistanê, hemû ajan û xayînan hişyar dikin ku em ê tu xiyanetê bêbersiv nehêlin û em ê hemû kesên ku dijminatiya gelê me dikin ji ber xiyanetên wan ceza bikin.
Di demek nêzîk de, em ê daxuyaniyek berfireh derbarê operasyona hevalên xwe yên li Kamyaranê ya duh êvarê de belav bikin.”
