Li gorî dîmenên satelîtê, Pekîn atolek bêmirov a li Giravên Paracel bi lez vediguherîne baregeheke leşkerî.
Dîmenê ku ji hêla Asia Maritime Transparency Initiative ve hat weşandin nîşan dide ku bi dagirtina deryayê li herêma ku wekî Antelope Resifi tê zanîn bejahiyên çû ava kiriye. Tê dîtin ku li wir pîsta helîkopterê û binesaziya balafirgehê tê çêkirin. Hat destnîşankirin ku herêm bûye cihekî ku dikare bi sedan leşkeran li wir vehewîne.
Di pêvajoya ku xebat tên meşandin de keştiyên li herêmê sînyalên qutkirine, gumanan li ser çawaniya xebatên avakirinê zêde dibin, Pispor diyar dikin ku tesîs bi piranî bi armancên leşkerî ne.
PERAVÊN BI NAKOK
Her çiqasî herêm di bin kontrola Çînê de ye jî, bi taybetî Vîetnam û gelek welat li ser peravên bi nakok doza heqê xwe dikin. Her wiha tê destnîşankirin ku herêm xwedî çavkaniyên dewlemend ên hîdrokarbonê ye.
Çînê berê jî bi heman awayî li deverên mîna Mischief Resifi giravên çêkirî û tesîsên leşkerî ava kiribû. Ev stratejî di qada navneteweyî de wekî “dîwarê mezin ê ji qûmê” tê binavkirin.
Dadgeheke navneteweyî di sala 2016’an de xebatên Çînê yên bi vî rengî derqanûnî dîtibû, lê Pekînê biryar nas nekiribû.
Ev tevgerîna Çînê li herêmê ne bi tenê ye. Fîlîpîn û Vîetnam jî bi heman awayî hewl didin ku hebûna xwe ya leşkerî li peravên nakokî xurt bikin. Fîlîpîn keştiyek şer a kevin veguherandiye baregehekê û Vîetnam jî li Giravên Spratly gelek avahiyên leşkerî ava kiriye.
Analîst diyar dikin ku ev gavên Çînê tenê bi têkoşîna desthilatdariya herêmî ve ne sînordarkiriye, di heman demê de parçeyek ji stratejiya zêdekirina kontrola xwe li ser rêyên bazirganiya kûrewî ye.
