Serokwekîlê Giştî yê AKP’ê Efkan Ala li navenda giştî ya partiya xwe bi rojnamegeran re civiya. Ala, bal kişand ser nîqaşên têkildarî destûra bingehîn û got ku destûrên bingehîn ji bo pêşîlêgirtina krîzên li welatan tên amadekirin û destûra bingehîn a Tirkiyeyê jî krîzan derdixîne.
Ala, got: “Di 60’ê de, di 61’ê de, di 71’ê de, di 80’ê de wiha bû… Piştre jî di 28’ê Sibatê de, di e-muxtirayê de, di 17/25’ê Kanûnê de û di 15’ê Tîrmehê de her tim çavkaniya krîzan destûra bingehîn bû. Lê destûrên bingehîn divê bibin çareserî.”
Ala, got; “Êdî gelemperiya siyasetê dibêje ‘temam.’ Saziyên dewletê dibêjin ‘temam.’ Hemû partî di mijara pêwîstiya bi destûra bingehîn a nû hemfikir e. Wê demê em li dora maseyekê bên gel hev û her kes li wir bizane ka çi tê xwestin û dê li dijî çi îtîrazê bikin.”
Ala, got: “Heke bi tena serê xwe hejmara me têr bike jî em dixwazin destûra bingehîn bi beşdariya muxalefetê amade bikin. Destûreke bingehîn a ji hêla piraniya civakê ve hatiye qebûlkirin dê pêşiya Tirkiyeyê veke.”
