Li bajarê Qamişlo yê Rojavayê Kurdistanê 18’ê Nîsanê roja Şemiyê li hemberî sembolên Kurdî êrişeke çekdarî hate kirin.
Li gorî agahiyan, di bûyerê de li Xaçerêya Zorî qewimî, gule li ala TEV-DEM’ê hate reşandin. Êrişa ku serê sibehê hate kirin li gelek bajaran bû sedema nerazîbûnê.
Eşkere bû ku êrişkar Hisên El Hiso yê ji gundê Amiriye yê li başûrê Balafirgeha Qamişloyê ye. Hate ragihandin ku gumanbar, bûyereke revandinê jî di nav de beriya gelek caran hewl da ku binpêkirina bike.
Gel nerazîbûn nîşanî êrişê da û nîvê şevê daket qadan û meşên şermezarkirinê lidar xist.
Di serî de Qamişlo, Dêrik, Girkê Legê û Rimêlan li gelek bajaran û bajarokan gel êrişa li ser sembolên neteweyî û nirxên Kurdî şermezar kir.
Hêzên Asayîşa Rojava jî li hemberî provokasyonên gengaz tedbîrên ewlekariyê derxist asta herî bilind.
Di çalakiyan de işaret bi peymana 29’ê Çileyê hate kirin ku li ser bingeha aştiya civakî û çareseriyê di navbera QSD û Rêveberiya Demkî ya Şamê de hate îmzekirin û hate gotin, bi êrişa li ser ala Kurdî re êriş li vê pêvajoyê hatiye kirin.
Di çaakiyan de dirûşmên “Bijî gelê Kurd”, “Bijî ala Kurdistanê”, “Bijî yekîtiya gelan, Rojava û gelê Kurdistanê” û “Bijî Berxwedana YPJ-YPJ” hatin qîrîn.
GUMANBAR HATE BINÇAVKIRIN
Fermandariya Giştî ya Hêzên Ewlekariya Hundirîn a Parêzgeha (Asayîş) daxuyaniyek da û ragihand ku gumanbar Hisên El Hiso hat girtin.
Daxuyaniya Fermandariya Giştî ya Asayîşê wiha ye:
“Ji bingehê pabendîbûna me bi parastina aştiya navxweyî û parastina sembol û destkeftiyên civaka xwe, em ji raya giştî re radighînin ku hêzên me kesê bi navê Hisên El Hiso yê Qamişloyê êrişî sembolên kurdî kiribû, girt.
Piştî ku cihê Hiwên El Hiso hat diyarkirin û tevgera wî hat şopandin, hemahengî bi dezgehên têkildar ên girêdayî hêzên ewlehiya giştî yên hikumeta demkî ya Sûriyeyê re hat çêkirin. Li gorî agahiyên îstîxbaratî operasyoneke bi balder pêk hat. Di operasyonê de ku saet 03.00’an de hat pêkanîn, hêzên me bi ser cihê El Hiso de girt û ew girt.
Lêkolînên pêşîn ên li ber destê me destnîşan dikin ku sedema sereke ya li piştî van kiryarên xiraber têkbirina istiqrarê, belavkirina fitine û tevliheviyê di navbera pêkhateyên herêmê yên bi hev re dijîn de ye.
Em teqez dikin ku kesê hatî girtî dê bi kurahî û berfirehî bikeve ber lêpirsînê da ku doz bi giştî were aşkerakirin û El Hiso sewqî edaletê were kirin da ku li gorî qanûnê cezayê xwe bistîne.
Her wiha em diyar dikin ku Rêveberiya Giştî ya Ewlehiyê dê der barê hurgulyên din ên rêveçûna lêpirsînê de daxuyaniyekê bide.
Em Fermandariya Giştî ya Hêzên Ewlekariya Hundirîn (Asayîş) careke din soza xwe bi gelê xwe re nû dikin ku em ê hesab ji çi kesên destdirêjiyê li ewlehî û silametiya gelê me dikin, bixwazin.”
