Desteya Hevrêziya Neteweyî ya Guhertina Demokratîk li Sûriyeyê derbarê xwepêşandana ku bi boneya 17’ê Nîsanê, salvegera serxwebûna Sûriyeyê, li paytext Şamê hat lidarxistin, daxuyaniyek weşand.
Desteyê diyar kir ku hejmarek ji kesayetiyên neteweyî û çalakvanann beşdarî çalakiyeke li Şamê bûn, daxwaza hin reformên xizmetguzariyê kirin, û bal kişandin ser pirsgirêkên têkildarî elektrîkê, polîtîkayên taybetkirinê û dosyayên tayînkirinê di saziyên giştî de.
Di daxuyaniyê de hat gotin ku çalakvan di dema çalakiya xwe ya aştiyane de rastî “êriş û lêdanê” hatin, ku tê de slogan û tohmetên li dijî xwepêşandêran û ew wekî “bermahiyên rejîma berê” hatin binavkirin, û her wiha êişî hin dezgehên ragihandinê yên ku bûyerê şopandin, hat kirin.
Her wiha desteyê destnîşan kir ku yek ji endamên ofîsa rêveber a desteyê, Mihemed Fadil Fetûm, tevî ku berê dijberê rejîma Sûriyeyê bû û di dema desthilatdariya rejîma berê de bi salan di zindanan de mabû, rastî bêrêziyê hat.
Desteyê piştgiriya xwe ji bo azadiya çalakiya siyasî û derbirîna aştiyane anî ziman û destnîşan kir ku tiştê qewimî “li dijî dirûşmeyên şoreşa Sûriyeyê ne”, bi taybet dirûşmeya ” gelê Sûriyeyê yek e”.
Her wiha desteyê banga lidarxistina kongreyeke neteweyî ya berfireh bi beşdariyeke berfireh kir, ji bo danîna bingehên “peymaneke civakî ya nû” ya li ser bingeha azadî, edalet û serweriya hiqûqê.
