HPG’ê Çekdar Goyî bi rêzdarî bi bîr anî

Daxuyaniya Navenda Ragihandin û Çapemeniyê ya HPG’ê bi vî rengî ye:

“Hevrêyê me Çekdar Botan ê ewladê gelê Botanê yê leheng û mlîtanê Apoyî yê fedaî, di sala 2024’an li Herêmên Parastinê yên Medyayê di encama êrîşekê de tevlî karwanê şehîdan bû û têkoşîna xwe ya azadiyê di astên herî jor de temam kir. Weke hevrêyên wî em hevrêyê xwe Çekdar bi rêzdarî û minetdarî bi bîr tînin û soza xwe dubare dikin ku em ê bîranînên wî li Kurdistana azad zindî bigirin.

Hevrêyê me Çekdar ê ku ji bo nirxên xwe bêyî dudilî û bê navber têkoşiya, ji bo mezinkirin û parastina nirxên azadiyê yên bi keda Rêbertiya me û şehîdên me hatine bidestxistin,  girêdayî bîranînên şehîdan têkoşîna xwe mezin kir. Hevrêyê me Çekdar ê ku li dijî êrîşên dijmin gav bi gav xîreta xwe ya têkoşînê xurtkirî û tevlîbûneke bêhasap pêkanî, beşdarî hemû xebatan bû. Hevrêyê me ê ku li hemberî êrîşên dagirkeriyê yên li ser qadên gerîlayan di herî pêş de cih girt û erkên xwe yên şoreşgerî bi cih anî, karî di kesayeta xwe de nûnertiya îradeya Apoyî û ya rê nade dagirkeran, bike.  Hevrêyê me Çekdar ê ku ji ber vê yekê ji bo mezinkirina têkoşîna me û têkbirina êrîşên dijmin hemû fedekarî kirin, bi pratîkên xwe karî navê xwe di dîroka azadiya gelê me de bide nivîsandin. Em sersaxiyê ji hemû gelê Kurdistanê yê welatparêz û bi taybetî jî ji malbata hêja ya hevrê me ku milîtanekî Apoyî yê weke hevrê Çekdar li têkoşîna me azadiyê zêde kiriye, dixwazin û soza xwe dubare dikin ku em ê têkoşîna şehîdên xwe bi serkeftinê tacîdar bikin.

Agahiyên der barê nasnameya hevrêyê me Çekdar Goyî de wiha ne:

Hevrêyê me Çekdar li bajarê Sêrtê yê berxwedêr û bi hezarên ewladên xwe dane Têkoşîna Azadiya Kurdistanê, di nava malbateke welatparêz de ji dayik bûye. Hevrêyê me yê ji eşîra Goyî ku ev eşîra me bi dilsoziya xwe ya ji bo nirxên Kurdistanî tê naskirin, weke kesekî girêdayî çand û nirxên xwe mezin dibe. Şehîd û tevlîbûnên ji derdora hevrêyê me bi taybetî jî ji fermandarên me yên hêja Şehîd Mehmed Goyî – Mehmet Kaplan, dibin sedem ku hevrêyê hê zarokatiya xwe de Tevgera me nas bike.  Neaxaftina zimanê dayikê ya li dibistanên pergalê rê vedike ku hevrêyê me bikeve nava nakokiyan û girêdayî vê yekê hemû caran li dijî pergalê hêrsek li cem peyda dibe.  Malbata hevrêyê me tevî ku dewleta Tirk a dagirker şewitandina gundan û qirkirinên li ser gelê me bi awayekî sîstematîk pêş dixe jî ji welatparêziya xwe tawîz nade.  Zexta li ser malbata hevrêyê me dibe sedem ku hevrêyê me hê di temenekî zû de rastiya dijmin nas bike. Hevrêyê me Çekdar ê ku dixwaze Tevgera me ji nêz ve fêm û nas bike,  pêhesiya ku pergal dixwaze ciwanên Kurdistanê ji cewhera wan dûr bixe û wan dejenere bike û girêdayî van yekan dikeve nava lêgerînan. Hevrêyê me li ser van yekan biryarê dide ku di nava xebatên ciwanên şoreşger de cihê xwe bigire. Bi ferqkirina girîngiya ciwantiyê ya ji bo gel û Tevgera me bû xwediyê tevlîbûneke aktîf. Di nava xebatan de derfeta baştirnaskirina xwe û Tevgera me bi dest dixe. Bi saya kesayeta xwe ya enerjîk û lêgerînên xwe yên çalakiyê di demeke kurt de ji aliyê hemû hevrêyêçn xwe ve gelekî hate hezkirin. Hevrêyê me Çekdar ê bi hewlên dewleta Tirk a faşîst ên li ser ciwanan hesiya, xebatên xwe bi nepenîbûn û hesasiyeteke mezin bi cih anîn. Girêdayî van yekan berxwedana destanî ya li Rojava ya di pêvajoya şoreşê de û hovitiya dewleta Tirk a li ser gelê me ya di pêvajoya Berxwedana Rêveberiya Xweser de bandorên mezin li hevrêyê me dikin û biryarê dide ku tevlî nava refên azadiyê bibe.

Hevrêyê me Çekdar ê ku di sala 2015’an de li Bakurê Kurdistanê tevlî nava refên gerîlayan dibe, piştî perwerdeyeke kûrt xwest li qadên têkoşînê yên aktîf cih bigire.  Hevrêyê me yê ku adapteyî jiyana gerîlayan dibe, di nava Berxwedana Sûrê ya dîrokî de cih girt. Hevrêyê me yê ku di nava têkoşîna ku bi pêşengtiya hevrêyê me Şehîd Çiyager Hêvî- Cîhat Turkan pêş dikeve de birîndar dibe, piştî ku tedawiya xwe temam dike, bi mezinkirina têkoşîna xwe dubare vedigere ser erkên xwe yên şoreşgerî. Hevrêyê me yê ku piştre ji aliyê dijmin ve dîl tê girtin, di pêvajoya binçavkirinê de tevî hemû zext û êşkenceyên dijmin jî weke milîtanekî Apoyî têkoşiya. Hevrêyê me yê ku demekê li zindana Kurkçuler a Edeneyê dimîne, vê pêvajoyê weke qadeke îdeolojîk dinirxîne.  Hêza ku ji hevrêyên xwe distîne dibe milîtanekî xwedî tecrûbe. Hevrêyê me yê ku di pêvajoya zindanê de dikeve nava kûrbûnên mezin, li dijî qirkirinên dijmin ên li ser gelê digihîje wê baweriyê ku divê bersiveke teqez bide. Girêdayî vê yekê berê xwe dide çiyayên Kurdistanê. Hevrêyê me Çekdar ê ku bi saya perwerdeyên leşkerî û îdeolojîk yên li Herêmên Parastinê yên Medyayê distîne dikeve nava kûrbûnên mezin, di kesayeta xwe de guherînên erênî pêk tîne. Hevrêyê me ji bo tiştên ku ji analîz û parêznameyên ji Rêbertiya me hîn dibe, di kesayeta xwe de temsîl bike kedeke mezin nîşan dide. Hevrêyê me Çekdar ê girêdayî jiyana gerîlayan, di hemû xebatên xwe de bi saya ked û federiya xwe ji aliyê hevrêyên xwe ve gelekî hate hezkirin. Hevrêyê me yê ku dixwaze tola hevrêyên xwe yên di encama operasyonên dewleta Tirk ên li ser Herêmên Parastinê yên Medyayê bi çekên kîmyewî şehîd bûne, hilîne, pêşniyar dike ku derbasî qadên şer lê dijwar e, bibe.  Hevrêyê me bi sekna xwe ya bi terzê Apoyî ji xwe re esas digire û bi tu awayî ji prensîbên Partiyê tawîzê nade, li gorî hewcehiyên ruhê serdemê tev digere.  Hevrêyê me Çekdar hemû astengiyên li ser rêya azadiyê ya ku ji aliyê Rêbertiya me û gelê me ve hatî destpêkirin, berteref dike û dibe milîtanekî Apoyî yê serkeftî. Bi hevrêtiya xwe ya jidil, sade û durist dibe milîtanekî Apoyî yê mînak.

Hevrêyê me Çekdar ê ku di Tîrmeha 2024’an de li Herêmên Parastinê yên Medyayê di encama êrîşeke dijmin de tevlî karwanê şehîdan dibe; bi terzê xwe yê çalakger û kesayeta xwe ya kedkar û mutewazî li dû xwe mîrateyeke têkoşînê ya nejibîr hişt. Weke hevrêyên wî em soz didin ku em ê teqez hesret û xeyalên hevrêyê xwe Çekdar bi cih bînin.”