Tevî malbata Aksû, nûnerên saziyên sivîl û gelek welatî beşdsrî daxuyaniyê bûn. Di daxuyaniyê de pankarta “Ji bo Ozcan Aksû edalet. Heta ku heqîqet derkeve holê wê têkoşîna me berdewam bike” hate vekirin.
Hevserokê DBP’ê yê Mûşê Umut Yilmaz diyar kir ku mirina Aksû gumanbar e û divê bûyer ji her alî ve were lêkolînkirin.
Parlamentera DEM Partiyê ya Mûşê Sumeyye Boz jî diyar kir ku Aksû di bin çavdêriya dewletê de jiyana xwe ji dest daye û xwest ku kesên berpirsiyar werin darizandin.
Sumeyye Boz, bi gotina “dewlet ji jiyana Ozcan berpirsiyar bû” daxwaza lêpirsîneke berfireh kir. Sumeyya Boz anî ziman ku divê qeydên kamerayan werin lêkolînkirin û daxwaz kir ku hemû hûrgiliyên derbarê mirina Aksû de werin eşkerekirin.
Nûnera TUAYDER’ ya Mûşê Nûriye Arslantaş jî diyar kir ku li ser bedena Aksû şopên êşkence û lêdanê hatine dîtin.
Nûriye Arslantaş anî ziman ku jiyana kesên tên binçavkirin û girtin di bin berpirsiyariya dewletê de ye û xwest ku demildest binpêkirinên mafên mirovan, îdiayên êşkenceyê û mirinên gumanbar ên li girtîgehan bên lêkolînkirin.
Nûriye Arslantaş daxwaza darizandina berpirsyaran kir ûgot ku heta ku der barê mirina Aksû de edalet pêk were we ê şopandarê pêvayoyê bin.
