Wezareta Karên Derve ya Azerbaycanê diyar kir ku nîvê şevê bi droneyan êriş li du keştiyên bar ên li Derya Azakê hate kirin.
Li gorî daxuyaniya wezaretê, di êrişan de 5 welatiyên Azerbaycanê mirin, 3 kes jî birîndar bûn. Hate ragihandin ku di keştiyan de 25 welatiyên Azerbaycanê hebûn.
Rêveberiya Bakuyê diyar kir ku keştiyên bûn hedefa êrişê ne yên dewleta Azerbaycanê ne û birîndar li bajarê Yersk ê Rûsyayê rakirin nexweşxaneyekê.
RÛSYAYÊ BERPIRSYARIYA ÊRIŞÊ XIST STUYÊ ÛKRAYNAYÊ
Alîkarê Wezîrê Karên Derve yê Rûsyayê Mihail Galuzin îdîa kir ku êriş ji aliyê Ûkraynayê ve hatiye kirin. Moskowê îdîa kir ku Kievê beriya niha jî li Derya Reş û Derya Spî êriş biriye ser hin keştiyan.
Ûkraynayê têkildarî vê bûyerê hîn daxuyaniyeke fermî nedaye.
Şerê navbera Rûsya û Ûkraynayê di asta deryayê de dema dawî giran bûye. Herdu alî hevdu sûcdar dikin ku êrişî bendergeh û keştiyan dikin.
