Li gorî AFP’ê, daristanên li Efganistanê ku ji ber şerên bi salan zirar dîtine, ji nû ve geş dibe.
Pispor, dibêjin ku di navbera dagirkirina Sovyetê ya sala 1979’an û destpêka salên 2000’an de bi qasî nîvê daristanên welêt hatine wêrankirin. Lê belê, di salên dawî de bi saya projeyên ji nû ve çandina daran, daristan ji nû ve geş dibe.
Li gorî daneyên Enstîtuya Neteweyî ya Îstatîstîkê ya Efganistanê, di navbera salên 2011 û 2025’an de qada daristanî ya welêt ji sedî 35 zêde bûye.
Her çend pispor dibêjin ku guherîna avhewayê, hişkesalî û kêmbûna avê hîn jî xetereyên mezin çêdikin jî, vegera cureyên çûkan û zêdebûna biyolojîk li gelek herêman wekî pêşketinên ku hêvî didin tên nirxandin.
