Ajansa nûçeyan a Mîzan a ser bi desthilata dadweriya Îranê ye, diyar kir ku ji ber kesê bi navê Mesûd Piyaho li Tehranê ji ber belavkirina dîmenek kurt ê di dema xwepêşandanan de, 10 sal cezayê girtîgehê lê hatiye birîn.
Dîmenên ku Mesûd Piyaho pê hatine sucdarkirin, yên di dema xwepêşandanan de ye ku kesek bi tenê li beramberî hêzên rejîma Îranê rûniştiye.
Navenda Mafên Mirov a Îranê jî ragihand ji aliyê Şaxa 2 a Dadgeha Şoreşê ya Zahîdan ve bi tometa ‘endamtiya komên dijberên Îranê’ cezayê darvekirin û 10 sal girtîgehê li kesê bi navê Yasîn bi nasnav Museîb Şehbexş ê ji pêkhateya Belûc e birî. Hatiye diyarkirin ku Yasîn Şehbexş wan tometan red kirye û diyar kiriye ku di dema binçavkirinê de rûbirûyê zextên fîzîkî, derûnî û êşkenceyê maye. Her wiha kesûkarên wî jî diyar dikin ku îfadeyên wê di bin êşkenceyê de hatine wergirtin.
