Li gundê Alyawa yê li ser rêya sereke ya Kerkûk-Dubizê ye di çarçoveya projeyeke nû ya xanî û veberhênanê de dest bi rûxandina dikan û kargehên bazirganî hat kirin. Hat diyarkirin ku di qonaxên pêş ên projeyê de tê plankirin ku zêdetirî 70 xanî bên rûxandin.
Gundiyên ku berê ji cih û warên xwe hatibûn derxistin û di salên 2011-2012’an de di çarçoveya madeya 140 a Destûra Bingehîn a Iraqê de bi biryara Komîsyona Koçê li herêmê hatibûn bicihkirin, diyar kirin ku ji nû ve neçarî koçberiyê tên kirin. Gundiyan destnîşan kirin ku tazmînata bi qasî 2 mîlyon dînarê Iraqî ya ku ji aliyê rêveberiya xwecihî ve hatiye pêşniyarkirin têrê nake û xwestin rûxandin demildest werin rawestandin.
Gundiyan bi bîr xistin ku ji bo erdên li herêmên nakok ên di çarçoveya madeya 140’an de ne biryara fermî ya rawestandina rûxandinan hene û bertek nîşanî israra Komîsyona Veberhênanê ya Kerkûkê ya ji bo projeyê dan û protestoyên xwe berdewam dikin.
