Li navçeya Norşînê ya Bedlîsê, polîsan êrişî çalakiya li dijî êrişên li ser Rojavayê yên HTŞ, DAIŞ û komên paramîlîter ên ku ji aliyê Tirkiyeyê ve tên piştgirîkirin, hat lidarxistin kirin. Di êrişê de 8 kes hatin binçavkirin. Welatiyên ku li Rêxistina Navçeya Norşînê ya Partiya Wekhevî û Demokrasiyê ya Gelan (DEM Partî) kom bûn, xwestin ber bi Parka Roboskiyê ve bimeşin ku li wir daxuyanî dê bihata dayîn. Polîsan, ji bo astengkirina meşa li ber avahiya navçeyê, êrişî girseyê kirin. Rêveberên bajêr yên DEM Partiyê yên Bedlîsê û endamên meclisa bajêr jî di nav de, 8 kes bi hatin binçavkirin.
Tevî astengiyan jî, girseyê dorpêçê şikand û ber bi parka ku dö daxuyanî lê bıhata dayin ve meşiya. Gırse dirûşmeyên “Bijî berxwedana Rojava” meşıya. Piştî meşê, Hevserokê DEM Partiyê yê Norşînê Yusuf Bîngol axivî û got: “Em bi tu awayî êrişên li dijî Rojavayê qebûl nakin.” Bîngol anî ziman ku ev êriş beşek ji komployeke navneteweyî ne.
Parlamenterê DEM Partiyê yê Bedlîsê Huseyîn Olan axivî û got: “Li Sûriyeyê, me dît ku desthilatê ne Kurdên ku ji bo wan dibêje ‘birayên min ên hezar salî’, cîhadîstan tercîh kiriye.”
Daxuyanî bi çepik û dirûşmeyan bi dawî bû.
