Wezîrê Parastinê yê Dewletên Yekbûyî yên Emerîkayê (DYE) Pete Hegseth roja Çarşemê li baregeheke li eyaleta Virginiayê daxuyaniyek da û diyar kir ku Elon Must wê di projeyeke nû ya Pentagonê de cih bigire.
Projeya bi navê “Project Meridian” ji bo nirxandina şêweyê şer ê siberojê û kapasîteya teknolojîk û leşkerî ya ku DYE di salên bê de pêwîstiya xwe pê çêbibe, hate destpêkirin. Hegseth anî ziman ku Elon Must wê yek ji rêveberên projeyê be û ji bo armanca wê jî got, “Nêzîkatiyeke afirîner li paşerojê bê nîşandan, qadên divê em bi dest bixin û hunera divê em bi pêş ve bibin, diyar bike.”
ÇEKÊN XWESER Û HIŞÊ ÇÊKIRÎ DI ROJEVÊ DE YE
Tê payin ku di çarçoveya projeyê de teknolojiya şer a xweser bê nirxandin ku sîstemên çekê û hişê çêkirî siberojê bêyî mrovan karibe êrişan bikin.
Hegseth anî ziman ku DYE divê salên bê “serweriya leşkerî û teknolojîk” dewam bike û got, amadekariyên ji bo şerê siberojê divê ji niha ve bêne kirin.
Li gorî Pentagonê, encamên Project Meridian wê di nava 120 rojî de bêne eşkerekirin.
MUSK BERIYA NIHA DI NAVA RÊVEBERIYA TRUMP DE WEZÎFE KIRIBÛ
Elon Musk heta Gulana 2025’an di nava rêveberiya Donald Trump de serokatî ji Departmana Berhemdariya Hikumetê (DOGE) re kiribû. Di dema wezîfeya Musk de di nava rêveberiya federal de teserûfeke berfireh û bernameya kêmkirina personelan hatibû bicihanîn.
Musk li gel hilberînera wesayitên bi elektrîkê Tesla, her wiha rêveberiya şîrketa hişê çêkirî û fezayê SpaceX dewam dike.
