Lîderê Yekîtî Niştimanî Kurdistan (YNK) Bafil Talabanî bi wesîleya salvegera 37’an a Komkujiya Enfalê daxuyaniyek da. Daxuyanî bi vî rengî ye:
“Em îro bi xemgînî 37 saliya karesata Enfalê bi bîr tînin ku yek ji niyeta herî hovane û xirab ya rejîma berê ya Iraqê bû ji bo tunekirina gelê Kurd. Daxwaz ji hikûmeta Herêma Kurdistanê û hikûmeta Federal dikin ku erkên xwe yên beramberî kesûkarên Enfalkiriyan bi cih bînin û di her warî de wan qerebû bikin. Ji ber ku erkê her kesî ye ku guh bide daxwazên wan ên rewa û bi cih bîne.
Em wek Yekîtiya Niştimaniya Kurdistanê (YNK), ji bo kesûkarên serbilind ên Enfalkiriyan, jiyaneke xweştir ji wan re peyda dikin çi ji destê me bê emê bikin û em soz didin ku em bibin zarokên dilsoz ji wan re. Ji ber ku êşa wan êşa me ye.
Xebatên me yên lêgerîna cenazeyên şehîdan û vegerandina wan ji bo warên wan berdewamin. Da ku birînên kûr ên malbatên serbilind ên qurbaniyên Enfalê bên dermankirin.
Bi boneya bi êş, em tekezî li ser yekrêzî û yekdengiya hemû aliyan ji bo rûbirûbûna pirsgirêka û bidest xistina armancên xwe dikin ku ya sereke xizmetkirina welatiyên hêja yên Kurdistanê ye.
Silav li ser giyanê hemû şehîd û enfalkiriyên Kurdistanê û silav li malbatên wan ên serbilind.”
