Rapora ku roja Sêşemê ji aliyê Ofîsa Saziyên Demokratîk û Mafên Mirovan a AGIT’ê ve hate weşandin, diyar dike ku di navbera 1’ê Kanûna 2024’an û 31’ê Gulana 2025’an de Rûsyayê li herêmên nifûsa wê zêde çekên teqemenî yên giran bi kar anîne.
Di raporê de hate destnîşankirin ku li gel vê yekê rêgezên rêjedarî û ferq û cudahiya hatine binpêkirin.
Di raporê de hate diyarkirin ku li herêmên di bin kontrola Ûkraynayê de di vê pêvajoyê de hejmara windahiya sivîlan a hatiye teyîdkirin, li gorî heman serdema sala borî ji sedî 50 zêde bûye.
Hate îfadekirin ku di encama bomberdûman û êrîşên dronan ên Ûkraynayê yên li ser Rûsyayê de jî car caran windahiyên sivîl çêbûne.
Her wiha di raporê de hate ragihandin ku Rûsyayê li ku herêmên dagir kirine li gel bûyerên weke girtinên kêfî, windakirin, cezayên bi sûcên derewîn hatine birîn û bûyerên êşkenceyê binpêkirinên mafên mirovan pêk anîne û ew li gel îfadeyên şahidan hatine tespîtkirin.
