Çalakiya karkerên madenê yên şîrketên yên Doruk Madenê û Etî Gumuş Madenê yê Elezîzê ên girêdayî Holdînga Yildizlar SSS a bi pêşengtiya Sendîkaya Karkerên Madenê ya Serbixwe li pêşiya Wezareta Enerjî û Çavkaniyên Xwezayî dane destpêkirin, kete roja xwe ya 11’an. Karkerên ku çalakiya xwe didomînin diyar kirin ku heya ew destheqê xwe distînin wê çalakiya xwe bidomînin. Karkeran di çalakiya xwew de dirûşmeyên weke ‘’Ji holdîngan re destbeste ji karkeran re êşkence’’, ‘’Alparslan Bayrektar derkeve pêşiya me’’û ‘’Em hatine mafê xwe bistînin’’ berz kirin. Her wiha pankarta binîsa; “Wê zêr û zîv, paxir û madenên me derxist, em nahêlin hûn canê me jî derxin’’ hate vekirin.
Di daxuyaniya li pêşiya wezaretê hate dayîn de ev yek hatin gotin: ‘’Em ê ji vir neçin, em ê bisekinin. Dibe ku encama vê yekê binçavkirineke nû be lê belê dîsa jî em ê neçin. Wezîrê Enerjiyê spasiyên xwe li me kiribûn lê belê ev 11 roj in ji hevdîtinê direve.’’
Murat Çelîk ê ku li şîrketa Etî Gumuş Madenê ya Xarpetê xebitiye, diyar kir ku bê wijdantî li wan tê kirin û wiha got: “Ez zewicî me û 4 zarokên min hene. Sê zarokên min nexweş in lê belê ez nikarim mesrefên wan bidim. Ez bang li kesên ku vê bêwijdaniyê dikin, dikim ku rewşa zarokên me gelekî nebaş e. Hevalên me yên li vir nikarin bi malbatên xwe re eleqedar bibin.’’
Piştî daxuyaniyê karkeran çalakiya xwe ya li pêşiya wezaretê domand.
