Di 18’ê Adarê de, dema şervanên YBŞ’ê li ser erka xwe ya parastinê bûn, li navenda Şengalê ketin kemîna hêzên artêşa Iraqê. Di encamê de şer derket û 5 endamên YBŞ’ê bi birîndarî ketin destê artêşa Iraqê.
Li dijî girtina şervanên YBŞ’ê gelek çalakî, bangewazî ji aliyên siyasî, civakî, oldar û serokeşîrên Şengalê ve hatin kirin, lê heya niha endamên YBŞ’ê nehatine berdan.
Ji bo aqûbeta zarokên xwe bizanibin, dayîkên şervanan li ber navenda Îstîxbarata Iraqê ya li Şengalê di roja sêyemîn de çalakiya rûniştinê dewam dikin. Dayik dibêjin heta ku ew aqûbeta zarokên xwe bizanibin ew ê çalakiya xwe bidomînin.
