Cenazeyê şervanê Hêzên Sûriya Demokratîk (QSD) Cafer (Ela Xelef El Berîş) yê dema li ser erka xwe bû li gundewarê Dêrazorê şehîd bû, li Goristana Şehîd Dijwar a li gundê Dawidiyê yê Hesekê hat veşartin. Bi dehan xelkê bajarê Hesekê, rûspiyên eşîran û endamên saziyên sivîl tevlî merasîmê bûn. Di merasîmê wêneyê şervanê QSD’ê Ela Xelef El Berîş hatin hildan û bêyî navber dirûşmeyên “Şehîd namirin” hatin berzkirin.
Di merasîmê de endamê Meclîsa Malbatên Şehîdan a Hesekê Mistefa Osman şehîd bi bîr anîn û sersaxî ji malbata şehîd Ela Xelef re xwest. Osman diyar kir ku ew hêza xwe ji şehîdên xwe werdigirin û dê heta dawiyê li pey rêya şehîdên xwe bin.
Piştre yek ji fermandarên Meclîsa Leşkerî ya Hesekê Demhat Hesekê axivî û di şexsê şehîd Cafer de şehîdên azadiyê bi bîr anîn. Demhat Hesekê diyar kir ku dê hêzên wan li ser rêya şehîdên xwe bin û ji bo parastina herêmê ji gefan mertalên xurt bin.
Di dawiyê de endama Meclîsa Malbatên Şehîdan a Hesekê Guljîn Hemê wesîqeya şehdî xwend û radestî malbatê kir.
