Meclîsa JInan a Partiya Herêman a Demokratîk (DBP), Endama Meclisa Partiyê ya DBP’ê Sêvê Demîr, Endama Kongreya Jinên Azad (KJA) Fatma Ûyar û Hevseroka Meclisa Gel a Silopiyayê Pakize Nayirê ku di 4’ê Çileya 2016’an de li navçeya Silopiya ya Şirnexê di dema qedexeya derketina derve de gava ji Taxa Karşiyaka diçûn Taxa Ofîsê hatin qetilkirin bi daxuyaniyeke nivîskî bibîr anîn.
Di daxuyaniyê de wiha hat gotin: “Endama Meclisa Partiya me Sêvê Demîr, Hevseroka Meclisa Fel a Silopiyayê Pakize Nayir û endama Kongreya Jinên Azad (KJA) Fatma Ûyar, sê jinên berxwedêr, mohra xwe li bîr û berxwedana têkoşîna jinên Kurd xisti bûn.
Di 4’ê Çileya 2026’an de li Silopiyayê bi awayeke hovane hatin qetilkirin. Her çiqas du ser de deh sal derbas bûne jî hîn ne edalet pêk hatiye û ne jî rastî hatiye eşkerekirin. Lê mîrateya ku wan li dû xwe hişt di bîranîn û têkoşîna jinên Kurd de dijî.
Îro jî, îradeya berxwedêr a Sêvê, girêdana xurt a Pakîzeyê û têkoşîna Fatmayê ku bi ked û fedekariyê hatiye hûnandin, rêya tevgera jinên Kurd ronî dikin. Ew ne tene sê jin in; ew di heman deme de temsîla daxwaza wekhevî, azadî û aştiyê ne.
Bi vê mebestê, em di 10’emîn salvegera qetilkirina wan de, her sê hevalên xwe careke din bi rêzdarî û hesret bi bîr tînin. Em ê xwedî li mîrateya wan a derbikevin û tu carî dev ji lêgerîna xwe ya rastî û edaletê bernedin.”
