Serokê Meclisê Nûman Kurtulmuş di civîna yekem a komîsyonê li Meclisê pêk hat de derbarê binyad û esasên xebatê yên komîsyonê de pêşnûmeya ji 12 xalan pêk tê pêşkêşî komîsyonê kir. Di pêşnûmeyê de, pêşniyara “Komîsyona Piştevaniya Netewî, Xwişk-Biratî û Demokrasiyê” kir. Komîsyonê li ser nav nîqaş kir, lê ji ber hîn neketiye dengdayinê ev nav hîn nehatiye erêkirin.
Xalên pêşnûmeyê bi vî rengî ne:
“XALA 2- (1) Armanca komîsyonê ew e ku terorê bi temamî ji rojeva Tirkiyeyê derxe, hevgirtina civakî were xurtkirin, yekîtî û xwişk û biratiya me ya neteweyî pêk were û xebatên di aliyê azadî, demokrasî û serdestiya hiqûqê de binirxîne.
(2) Erka komîsyonê ew e ku li gorî armanca ku di xala yekem de hatiye destnîşankirin, mijarên pêwîst diyar bike, li ser pêşnûmeyên qanûnan bixebite û raya giştî derbarê vê pêvajoya de agahdar bike.
XALA 3 – (1) Serokê Meclîsa Mezin a Netewî ya Tirkiyeyê, Serokê Komîsyonê ye. Di nebûna Serokê Meclîsa Mezin a Netewî ya Tirkiyeyê de, endamek komîsyonê ku ji hêla Serokê Meclîsa Mezin a Tirkiyeyê ve hatiye destnîşankirin wê civînê bi rê ve bibe. Endama/ê ku li şûna Serok civînê birêve dikare dengê xwe bi kar bîne.
XALA 4 – (1) Erkên endamên komîsyonê di tevahiya xebatên komîsyonê de berdewam dikin. Partiyên siyasî dikare bi nivîsa ji Serokê Meclîsa Mezin a Netewî ya Tirkiyeyê re bişîne endamek komîsyonê biguherîne.
(2) Di rewşa ku endamek partiyeke siyasî were xistin de, divê partiya siyasî demildest endama/ê nû ji Serokê Meclîsa Netewî ya Mezin a Tirkiyeyê ragihîne.
XALA 5 – (1) Serokê Meclîsa Mezin a Neteweyî ya Tirkiyeyê banga ji bo civînê dike. Cih, dem û rojeva civînê ji aliyê endamên komîsyonê ve tê diyarkirin.
(2) Komîsyon dikare biryara civîna girtî bide.
(3) Sekreteriya Komîsyonê ji aliyê Serokatiya Qanûn û Biryaran a Sekreteriya Giştî ya Meclîsa
Mezin a Neteweyî ya Tirkiyeyê ve tê kirin.
XALA 6 – (1) Hejmara ji bo civîna komîsyonê ji piraniya zêde ya endaman pêk tê. Biryarên derbarê amadekirina pêşniyarên qanûnî de bi piraniya ji pêncan-sê ya beşdarên civînê têne girtin. Di mijarên din de bi hejmara piraniya zêde ya beşdarên civînê biryar tên girtin.
XALA 7 – (1) Di civînên komîsyonê de girtekên giştî tên girtin. Serok wê biryara parvekirina biryaran a ji bo raya giştî bide.
(2) Ger ku komîsyon pêwîst bibîne dikare biryara girtekan negire bide.
XALA 8 – (1) Ji bo di amadekirina pêşnûmeyên xebat û pêşniyarên komîsyonê de dikare hejmareke têrker ji Pisporên Qanûnî erkdar dike. Ger pêwîst were dîtin, ji bo vê ramancê dikare ji sazî û dezgehên gelemperî, zanîngehan û rêxistinên sivîl jî pisporan erkdar bike.
XALA 9 – (1) Endamên komîsyonê, nûnerên sazî û dezgehên gelemperî, zanîngehan, rêxistinên sivîl û kesên peywendîdar ên ku li gorî rojeva diyarkirî hatine vexwendin, dikarin beşdarî civînên komîsyonê bibin.
XALA 10 – (1) Serok biryara beşek diyarkirî an jî hemû civînan ji hêla çapemeniyê ve werin şopandin, dide.
XALA 11 – (1) Komîsyon wê heta 31’ê Kanûna 2025’an xebatên xwe bidomîne. Piştî ev dem biqede, komîsyon bi piraniya ji pêncan-sê dikare her carê 2 mehan dema civînê dirêj bike.
(2) Serok an jî bi piraniya ji pêncan-sê tên beşdarî civînê bûne dikarin biyara bidawîkirina xebatên komîsyonê bigirin.
XALA 12 – (1) Komîsyon ji bo rewşên ku di binyad û esasên xebatê yên komîsyonê cih nagirin de bi piraniya hejmara beşdarên civînê dikare binyadê diyar bike.
Komîsyon wê li ser van xalan nîqaşan bimeşîne.
