Li gorî çavkaniyên herêmî, hat ragihandin ku artêşa Tirk a dagirker gundê Sergelê yê navçeya Amediyê ya Duhokê bombe kir û di encama bombebaranê de şewatek mezin derket. Her wiha hate diyar kirin ku şewat gihaştiye malên gundiyan û ev yek gef li jiyana wan dixwe.
Gelê herêmê li dijî agir û êrîşên dewleta Tirk banga alîkariya lezgîn kir.
Ev êrîş di demeke ku dewleta Tirk a dagirker sewqiyatên mezin ên leşkerî ji bo Başûrê Kurdistanê dike de, pêk hat.
Herî dawî ji bo navçeya Amediyê sewqiyeteke mezin a leşkerî hatibû kirin.
Dewleta Tirk a dagirker ku li hemberî bêdengiya Bexda û Hewlêrê êdî sînor nasnake, li Dihokê noqteyên kontrole daniye, nasnameya welatiyan kontrol dike û gelek gund bi zorê da valakirin.
