Li gorî nûçeya New York Timesê ya xwe dispêre rayedarên DYE’yî, rêveberiya Donald Trump lihevkirina hevkariya nukleerî ya sivîl ya li gel Erebistana Siûdî roja Çarşemê îmze bike û bi awayekî fermî ragihîne.
Rêveberiya Trump dibêje ku lihevkirina berbehs wê bi milyar dolaran têkariya aborî li sektora nukleerî ya DYE’yê bike.
WÊ TESÎSA DEWLEMENDKIRINA ÛRANYÛMÊ WERE AVAKIRIN
Lı gorî nûçeya Wall Street Journalê, di lihevkirina ku tê payîn 30 salan derbasdar be de ger ji xebatên hevpar ên fîzîbîlîteyê encamên erênî werin standin xaleke ku şîrketên DYE’yê derfetê bidin li Erebîstana Siûdî tesîsên dewlemendkirina ûranyûmê werin avakirin, cih digire.
FIKARÊN JI DYE Û ÎSRAÎLÊ
Lihevkirina berbehs bû sedem ku hin endamên Komarparêz û Demokrat ên di Kongreya DYE’yê de cih digirin û rayedarên Îsraîlî bertekên xwe nîşan bidin.
Muxalîf diyar dikin ku dibe bernameya nukleerî ya sîvîl a Erebistana Siûdî di pêşerojê de ji pêşxistina çekên nukleerî re zemînê amade bike.
Tê payîn ku lihevkirin di rojên pêş de ji Kongreya DYE’yê were pêşkêşkirin. Lê belê ji bo ku bikeve meriyetê hewceyî bi erêkirina Kongreyê tune ye.
JI HÛSIYAN JI EREBISTANA SIÛDÎ RE DORPÊÇA BEHRÎ
Amadekariyên lihevkirinê di serdema piştî bilindbûna rageşiya li herêmê ya jinûvedestpêkirina şer û pevçûnên navbera DYE û Îranê zêde bûne de tên kirin.
Hûsiyên li Yemenê ên Îran piştgiriyê dide wan, ragihandin li dijî Erebistana Siûdî dorpêça behrî îlan kiriye.
Hate diyarkirinku biryar piştî şer û pevçûnên di navbera aliyan de ên hefteya borî yên li Yemenê rû dane, hatiye standin û tê nirxandin ku dibe geşedana berbehs agirbesta ku di sala 2022’yan de hatiye îmzekirin û tevî ku wextê wê tije bûye jî hê jî tê parastin, bixe talûkeyê.
