Biroya Têkiliyan a MSD’ê li xwaringeha El Razî ya bajarê Dêrikê bi beşdariya kesayetên siyasî û civakî yên ji pêkhate û partiyên siyasî yên cûda panêleke diyalogê bi sernavê “Rewşa piştî peymana 29’ê Çile” de li dar xist.
Panêl bi deqeyeke rêzgirtin dest pê kir, piştire hevserokê Ofîsa Têkiliyên Giştî ya MSD`ê, Hesen Mihemed Elî,, got ku “Peymana 29’ê Çileyê di demek awarte de û di bin şert û mercên meydanî yên ku bi lez diguherin de hat, da ku dawî li têkçûnên lihevkirinên berê bîne û li hember zêdebûna gotinên nefretê rûbirû bibe. “
Hesen Mihemed Elî piştrast kir ku peymanên hatine îmzekirin nayên wateya teslîmbûnê, lê belê pêvajoyek ji nû ve bicihkirina siyasî ye ji bo amadekirina stratejiyek nû ku parastina teybetiya herêmê û veguheztina ber bi hevkariyek rastîn misoger dike. Her wiha serkeftina vê gava bingehîn a ji bo avakirina Sûriyeya nû hewceyê hewldanên hevgirtî ye ji bo rûbirûbûna hewldanên têkbirina peymanan, lê pêwîst e bi rêya civatek rêxistinkirî ku girîngiya qonaxê fêm dike têkoşîn were kirin.
Beşdaran jî bal kişandin ser girîngiya yekkirina helwestan û xebata hevbeş ji bo bidestxistina encamên berbiçav di çarçoveya avakirina Sûriya nû de.
Beşdaran diyar kir ku yekîtiya Kurdan ji bo qonaxa niha pêwîstiyeke e û banga avakirina lêvegerke berfireh a Kurdan kirin ku ne tenê bi partiyan ve sînordar be, lê belê elîtên siyasî, rewşenbîr û yekîtiyên civakî jî di nav xwe de bigire.
