Piştî nirxandin û hilbijartinê encamnameya 14’emîn Konferana Meclîsa Îştar ya Mexmûrê ya bi dirûşmeya ‘Em Civaka Demokratîk û Komînan Ava bikin Bi Rêbertî Re Azad Jiyan Bikin’ hatibû destpê kirin, hate xwendin.
Endama Koordînasyona Meclîsa Îştar Bêrîvan Îşlek encamanameya Konferansa 14’an ya Meclîsa Îştar xwend.
Encamnameya Meclîsa Îşatar wiha ye:
“Konferansa me bi dirûşma “Em ê cîvaka demokratîk û komînal ava bikin bi Rêbertî re azad jiyan bikin’ hat li darxistin.
Wek jinên wargeha Penaberan ya Şehîd Rustem Cudî (Mexmûr) ev 31 sal in li penaberiyê têkoşîna avakirina civakek demokratîk û komînal didin. Di rêwîtiya me ya têkoşînê de, me gelek bedelên giran dan, ger îro em dikarin bi sedan jinan re li hev bicivin bi saya têkoşîn û bedelên giranbiha yên hatine dayîne. Têkoşîn û berxwedana avakirina aştî û cîvaka demokratîk ya ku ev 52 sal in di pêşengiya Rêber Apo de tê meşandin, ji bo me jinên wargehê jî di vê rêwîtiya avakirina civakek azad de meşîn, şanazî û serbilindiya herî mezin e.
Di vê pêvajoya heyî de hemû hêzên cîhanê ji bo şerên mezin xwe amade dikin, hêzên hegemon yên cîhanê hewl didin bi rêya şerên mezin temenê pergala kapîtalîst dirêj bikin. Çawa ku weke ji dîrokê heya roja îro jin bûye qurbanê şerên pergala desthilatdar, herî zêde di vê pêvajoyê de jî ya bandor dibe û bedel dide, jine. Rêber Apo ev plan û pirojeyên sistema desthilatdar ku wek kujerê qastîk bi nav kirî û bi pêşxîstîna Manîfestoya Aştî û Civaka Demokratîk pêşî li pergala kûjer digre, dibe alternatîfa herî bi hêz a serdemê. Her kes û hêzên li dijî pergala kap îtalîst têkoşîn didin meşandin, li derdora fikrê Rêber Apo dicivin. Wek tê ditin jî banga Rêber Apo ji bo jinan bu hêza bilindkirina têkoşînê. Em ji weke jinên wargehê di pêvajoyek evqas dîrokî de, darxistina vê konferansê weke bingehê ji nû ve rêxistinkirina xwe, xurt kirina civaka demokratîk û avakirina komînal digrin dest.
Felsefe û paradîgmaya Rêber Apo ya li ser bingehê jina azad wê bikare civaka azad ava bike, her dem ji bo me bûye hêz û vîna têkoşînê. Wek jin bi Rêber Apo re me zivistanên sar, seqem, bahoz û tufanên mezin derbaskirin û em bûn remza serkeftinê. Weke nêrgizekê di biharê de li ser xaka Kurdistanê bi xwîna şehîdan jî nû ve şîn bû û reng veda. Nameya Rêber Apo ya ji bo konferansa me hatî diyarîkirin, bû xelata herî mezin û bihara me hîn rengîntir kir.
Civata me ya jinên wargehê di ronahiya Manîfestoya Aştî u Civaka Demokratîk de, bi kelecana ji nameya Rêber Apo girtî rewşa siyasî, nirxandina xebatên du salan, kêm û kûriyên derketine, asta têkoşîn, rêxistinbûna li ser bingeha civakek komînal, hîn zêdetir xwe rêxistinkirin û di nava van du salan de bûna bersiv ji bo pêvajoyê.
Em ê pêşeroja xwe li ser bingehê paradîgmaya netewa demokratîk ya ku bi hişmendiya civaka demokratîk ekolojîk û azadîxwaziya jinê ava bikin. Civak wê bi persperktîfa jineolojî bikare vegere cewherê xwe yê xwezaya civakî û pergala kujerê kastîk têk bibe.
Li ser vê bingehê, em weke jinên wargehê cudahîbûyinên di nava civakê de heyî weke nakokî nabînin û hemû pirrengiyan weke dewlemendiyên civakê pêşwazî dikin. Li ser vê bingehê em hemû jinên têkoşînvanên azadiyê vedixwînin bi ruhê kesayetên sosyalîst, ji bo avakirina civaka demokratîk û kominal. Civaka demokratîk wê bi pêşengiya jina azad bê avakirin. Jina azad jî wê bi hişmendiya xwe ji nû ve girtina dest, jina xwe ji hişmendiya milkbûyînê rizgarkirî û bûyî xwedî hebûna xwe bê pêkanîn.
-Wê hertim navenda hemû xebat û tekoşîna me mîsogerkirina azadiya fîzîkî ya Rêber APO be.
-Ji bo jiyanek bi rûmet wê jinên wargehê ruxmê hemû zorî û astengiyan têkoşîna avakirina civakek demokratîk û azad têbikoşe.
-Li hember pergala zilamperest ya kujerê kastîk bi hişmendiya her zindiyek xwedî mafê xwe parastinê ye, em ê li ser bingehê parastina cewherî xwe rêxistin bikin.
-Ji bo pêkanîna entegrasyona demokratîk em ê li ser perspektîfên Manîfestoya Aştî û Civaka Demokratîk têkoşîn bidin meşandin.
-Ji bo destkeftiyên xwe parastin û serkeftina bê dawî mîsogerkirin, em ê di bingeha zanista jin a Jineolojî de xwe û pêşeroja xwe perwerde bikin.
-Bi fikra komîn şaneya bingehîn ya azadiya jin û civakêy e, komînên heyî xurt bikin.
– Ji bo jin bikarin bibin xwediyê xweseriya xwe ya aborî, avakirina derfetên aborî ji bo jinan.
– Li ser bingehê perspektîfên Manîfestoya Aştî û Civaka Demokratîk pêşxistina dewreyên perwerdeyên bîrdozî.
Weke Rêber Apo daye diyar kirin; “Di Sosyalîzme de de İsrar, di Mirovbûnê de İsrare” Em weke jinên sosyalist bi bin avakerê civakeke li ser bingeha sosyalîzma rast.
