Komîteya Rêveber a Tevgera Şoreşê ya Yekbûyî ya Gelan (HBDH) ji bo Cejna Karkeran 1’ê Gulanê daxuyanî da.
HBDH’ê’, di daxuyaniya xwe de destnîşan kir ku divê 1’ê Gulanê li dijî mêtingeriya kapîtalîst, faşîzm, serdestiya mêr û şovenîzmê, ji bo hemû beşên civakê yên bindest, di serî de çîna karker, jin û ciwanan, bibe roja berxwedaneke yekbûyî û got, “Nakokiya di navbera ked û sermayeyê de her ku diçe li hemû cîhanê kûrtir dibe. Kapîtalîzm bi krîzên piralî ên avakirine re dawiya xwe ya dîrokî amade dike. Her ku nakokî kûr dibin, nerazîbûnên bi hêrs ên çîna karker, gelên kedkar, jin û ciwanan bi dengekî bilindtir derdikeve.”
HBDH’ê, da xuyakirin ku pergal karkeran mehkûmê jiyanek di sînorê birçîbûnê de bijî kiriye û got ku mafên wan ên mûçe û civakî tên binpêkirin. HBDH’ê, diyar kir ku jiyana jinan bi polîtîkayên baviksalarî, desthilatdariya mêr hatiye dorpêçkirin, ciwan ji ber krîza aborî di nava rewşeke bêsiberoj de ne û keda zarokan ji bo sermayê weke “keda erzan” tê dîtin û hewl tê dayîn ku mirina zarokan rewa bikin.
HBDH’ê, destnîşan kir ku divê 1’ê Gulanê bibe platformek ji bo veguherandina hêrsê li dijî karkeriya zarokan û mirina zarokan. HBDH’ê’ ragihand ku jinan bi coşa 8’ê Adarê li dijî desthilatdariya mêr, xizanî, şîdet û polîtîkayên AKP’ê yê “Jina meqûl” li ber xwe didin. HBDH’ê, têkoşîna azadiya gelê Kurd û berxwedana li dijî zilma faşîst silav kir û destnîşan kir ku tevî polîtîkayên zext, qeyûm û şer ên dewletê jî berxwedan didome.
HBDH’ê, diyar kir ku têkoşîna azadiya siyasî ya hevpar a kedkarên Tirk û Kurd bersiva herî bi bandor a li dijî faşîzmê ye û diyar kir ku bi berxwedana yekbûyî ya gel dikare derbeke mezin li mêtingeriya faşîst were xistin. HBDH’ê, da xuyakirin ku dirûşmên “Rizgarî bi tenê nabe” û “Yan hemû bi hev re yan jî ne yek ji me” pêwîstiya têkoşîna hevpar radixe ber çavan. HBDH’ê, di dawiyê de got ku divê 1’ê Gulanê bibe hêleke ku berxwedana yekbûyî ya hemû beşên bindest mezin bike.
