Hûsiyên ku ji hêla Îranê ve tên piştgirîkirin, li peravên Deryaya Sor û li herêma Taizê bi balafirên bê mirov û roketan êrîşeke bejayî da destpêkirin. Hêzên hikûmetê îdia kirin ku Hûsiyan hewl didin deverên stratejîk ên li dora Tengava Bab el-Mandebê ku rêyeke girîng ji bo bazirganiya deryayî ya di navbera Asya û Ewropayê de ye, desteser bike.
Di pevçûnên ku wekî yên herî xwînî yên salên dawî tê binavkirin de herî kêm 66 hêzên hikûmetê û hevalbendên wan û ji Hûsiyan jî 62 kes jiyana xwe ji dest dane. Hat ragihandin ku sivîlek jî jiyana xwe ji dest daye.
Hat ragihandin ku Hûsiyan di dema êrîşan de li peravên Deryaya Sor û li derdora Taizê gelek noqteyên stratejîk bi dest xistine. Hat diyarkirin ku noqteyên hatine bidestxistin dikarin bi hêsanî keştiyên ku di herêmê re derbas dibin hedef bigirin. Çavkaniyên hikûmetê daxuyandin ku Hûsiyan hewl didin bajarê bendera stratejîk a Mokha û herêmên din ên di bin kontrola hikûmetê de tecrîd bike.
PIŞTGIRIYA SIÛDÎ YA JI BO HÊZÊN HIKÛMETÊ
Hıkümet jı bo pêşveçûna Hûsiyan rawestine, ji Adenê yekîneyên leşkerî şand herêma Taizê. Li gorî nûçeya AFP’ê rayedarekî hikûmetê diyar kir ku ev hêz li ser daxwaza Erebistana Siûdî hatine şandin.
Hûsiyan dixwazin perava Bab el-Mandebê kontrol bikin lê bendera Hûdeydeyê ya li bakurê Mokhayê di destê xwe de digirin. Ji ber ku Îranê kontrola Tengava Hurmuzê di destên xwe de digire, tengav ji bo Erebistana Siûdî bûye rêyeke deryayî ya girîng.
Hûsiyan di Tîrmehê de daxuyandibû ku ew ê li ser Erebistana Siûdî dorpêça deryayî ragihînin û êrîşên li Deryaya Sor ên li ser tankerên petrolê yên Siûdî girtin ser xwe.
Li Yemenê şerê di navbera hêzên hikûmetê û Hûsiyan de di sala 2014’an de dest pê kir û di sala 2022’yan de agirbest pêk hatibû. Lê piştî pevçûnên herênî yên welat careke din rê li ber pevçûnên tund vekir.
