Hevserokên Giştî yên DEM Partiyê Tulay Hatîmogûllari û Tûncer Bakirhan li ser hesabê X’ê daxuyanî dan.
Tulay Hatîmogûllari got, “Di sala 13’emîn de wêrekî, hêvî û armanca jiyana wekhev a Gezî rêya me hîn jî ronî dike. Gezî bû îradeya bi milyonan mirovî, wijdanî vî welatî yê bêdeng nabe û li dijî tarîtiyê berxwedanek hevpar a herî xurt ava kir. Gezî em bûn; Gezî em hemû bûn. Yên ku hewl didin bi biryarên dadgeriyê, bi cezayan û girtinê Geziyê mehkûm bikin bila bi vê zanibin: Gezî hişê bi rûmet ê vî welatî ye. Yên ku ji Doza Geziyê hatine girtin divê tavilê azad bibin. Em canên xwe yên ji dest dane bi rêzdarî bi bîr tînin û di têkoşîna xwe ya azadî, demokrasî, edalet û aştiyê de xwedî li têkoşîn û armancên wan derdikevin.”
Bakirhan jî diyar kir ku çalakiyên Gezî li dijî neheqî, bêedaletî, zext û ferzkirinê îtirazeke demokratîk bû û got, “Ruhê Geziyê di nava têkoşîna xweza, ked, aştî, azadî û edaletê de dewam dike. Em ê bi vê mîrateyê têkoşîna demokrasî, jiyana azad, wekhev û aştiyane dewam bikin. Kesên ku di Berxwedana Gezî de jiyana xwe ji dest dan, bi hurmet û minet bi bîr tînim. Têkoşîna wan wê di nava lêgerîna me ya demokrasî û azadiyê de dewam bike.”
