Hêzên Ewlekariya Hundirîn ên Helebê têkildarî êrîşa çekdarên hikûmeta veguhêz a li dijî benda kontrolê ya hevbeş a Hêzên Ewlekariya Hundirîn û hêzên hikûmeta veguhêz a li Çerxerêya Şîhanê ya Helebê daxuyanî da.
Di daxuyaniyê de hate gotin ku Hêzên Ewlekariya Hundirîn ên Helebê êrîşa çekdarî ya îro bi destê çekdarên hikûmeta veguhêz li dijî noqteya kontrolê ya li Çerxerêya Şîxan a taxa Eşrefiyê pêk hatiye, şermezar dike û ev agahî da: “Di encama êrîşê de 2 endamên me bi giranî birîndar bûn. Niha li nexweşxaneyê têne dermankirin. Di heman demê de têdbîrên pêwîst hatin girtin da ku şer berfireh nebe.”
Hêzên Ewlekariya Hundirîn ên Helebê di berdewama daxuyaniyê de diyar kir ku ev êrîş di çarçoveya binpêkirinên berdewam ên hikûmeta veguhêz a Sûriyeyê pêk hatiye û wiha dom kir: “Ev li dijî hewldanên mayîndekirina aramî û ewlekariya herêmê ye.”
