Serlêdana 2’yemîn Xelatên Rojnamevaniya Jinan a Gurbetellî Ersoz ku ji aliyê Komeleya Rojnamevanên Jin ên Mezopotamyayê (MKG) ve tê lidarxistin dest pê dike. Serlêdan dê di navbera 8’ê Hezîran û 25’ê Îlonê de bên kirin.
MKG’ê, li ser hesabê xwe yê medyaya dîjîtalê ji bo serlêdanan bang kir û wiha got: “Ji jinên ku şahidiya demê dikin re bang dikin. Serlêdana 2’yemîn Xelatên Rojnamevaniya Jinan a Gurbetellî Ersoz ku dilê xwe li heqîqetê neqişandiye dest pê dike. Serlêdan wê di navbera 8’ê Hezîran û 25’ê Îlonê de bên kirin.”
KURTEJIYANA GURBETELLÎ ERSOZ
Gurbetellî Ersoz di sala 1965’an de li gundê Ziverê navçeya Palû ya Xarpêtê ji dayik bû. Gurbetellî Ersoz ku dibistana seretayî li gundê xwe xwend, dibistana navîn li Edeneyê xwend. Gurbetellî Ersoz ku ji Beşa Kîmyayê ya Zanîngeha Çûkûrovayê mezûn bû, mastera xwe di warê “Jîngeh û Enerjiyê” de qedand û wekî alîkara kîmyayê xebitî. Wê di sala 1993’yan de li rojnameya Ozgur Gundem dest bi xebata rojnamevaniyê kir û di demek kurt de bû gernîndeya rojnameyê. Gurbetellî Ersoz yekem jin e ku Gerînendeya Giştî ya Weşanê ya li Tirkiyeyê kiriye.
Gurbetellî Ersoz di 8’ê Cotmeha 1997’an de li Başûrê Kurdistanê di şerekî qewimî de jiyana xwe ji dest da. Di 7’ê Cotmehê de weke “Roja Rojnamevanên Jin ên Kurd” hate bîranîn û bû remza rojnamevaniya jinan. Wê bi helwesta xwe ya wêrek di Çapemeniya Azad de pêşengiya medyaya Kurdî kir.
