Partiya Wekhevî û Demokrasiyê ya Gelan (DEM Partî) der barê bernameya tê payîn li Başûrê Kurdistanê di çarçoveya ‘Pêvajoya Aştî û Civaka Demokratîk’ de were meşandin de ev agahî da: “Mîna ku hûn jî dizanin, em rojên girîng û dîrokî ku di ‘Pêvajoya Aştî û Civaka Demokratîk’ de tê wateya qonaxeke nû dijîn. Di vê çarçêveyê de tê çaverêkirin ku komek endamên PKK’ê li gorî biryarên kongreyê di çalakiyekê de li nava xaka hikûmeta herêma Kurdistanê pêngavan biavêjin.
Partiya me ku ji destpêka pêvajoyê û vir hewl dide rolake çêker bilîze, hejmareke kêm nivîskarên quncikan (15-20 kesên ku bi kotayê hatine diyarkirin) vexwendine dîtina vê çalakiyê. Nivîskarên hatine vexwendin wê li gel nûnerên rêxistinên sivîl û partiyên siyasî yên ji aliyê partiya me ve hatine organîzekirin, bibin Herêma Kurdistanê.”
Di dawiyê de DEM Partî, diyar kir ku rojnamevanên ku dixwazin çalakiyê bişopînin, divê nav, agahiyên saziyê, wêneya karta çapemeniyê, telefon û navnîşana e-maila xwe ji DEM Partiyê re bişînin û got ku ev agahî dê ji bo akredîtasyonê bi Hikûmeta Herêma Kurdistanê re were parvekirin. Hate ragihandin ku dîroka çalakiyê û hûrguliyên organîzesyona rêxistinê dê paşê werin ragihandin.
