Di çarçoveya sererastkirina nû de li gel Sûriyeyê ji bo welatiyên Burkina Faso, Nîjer, Malî û Sûdana Başûr qedexe hatin danîn.
Astengiyên qismî ên beriya niha li Laos û Sierra Leoneyê dihatin sepandin, veguherîn qedexeyên tam.
Her wiha ev biryar ji bo Filistîniyên ku xwediyê belgeyên seyahatê ên ji aliyê Rêveberiya Filistînê ve hatine dayîn jî derbasdar e.
Koşka Spî ragihand ku biryar bi armanca parastina ewlehiya neteweyî ya DYE’yê hatiye standin. Pêngava têkildarî Sûriyeyê jî piştî êrîşa çend rojan beriya niha ya li dijî leşkerên DYE’yê pêk hat û di encamê de leşkerên DYE’yê jiyana xwe ji dest dan, hate avêtin.
Rêveberiya Trump anî ziman ku li hin welatan çavdêriyên ewlehî û nasnameyan kêm in û diyar kir ku vê yekê hewce kir ku têketina welêt bi temamî yan jî qismî were sekinandin. Li gel vê yekê ji xwediyên destûra niştecihbûna daîmî, kesên xwedan wîze, dîplomat, werzîşvan û kesên xizmeta berjewendiyên neteweyî yên DYE’yê dikin re îstîsna hene.
Trump, ji meha Çileyê ve ye polîtîkayên koçberiyê tundtir kirine û di meha Hezîranê de ji 12 welatan re ku bi piranî welatên Efrîqa û Rojhilata Navîn in, qedexeya têketina DYE’yê anîbû.
Koşka Spî dibêje ku tedbîra berbehs bi armanca astengkirina hatina kesên ku gefê li DYE’yê bixwe yan jî zirarê bide çand û saziyên welêt hatine standin.
Her wiha Tirkmenîstan bi egera ku di warê ewlehiyê de pêşketineke girîng nîşan daye, ji lîsteya berbehs hate derxistin. Wê destûr were dayîn ku welatî (ne koçber) ji DYE’yê re wîzeya demkî bistînin. Trump, di serdema ewil a serokatiya xwe de jî li gel sepanên bi vî rengî bi taybetî welatên Misilman hedef girtibû.
