Yasaya jihevberdanê ya nû ya li Efxanistanê ji aliyê rêveberiya Talîbanê ve hate erêkirin, ji aliyê mafparêzên jin û zarokan ve bi tundî tê rexnekirin. Rukhshana Media, Gandhara, Zan Times, Kabul Now û Mîsyona Alikariya Efxanistanê ya Neteweyên Yekbûyî (UNAMA) bal kişandin ser talûkeya nû.
Li gorî çavkaniyan, sererastkirina nû mafê jihevberdanê yê zarokên ku bi darê zorê hatine zewicandin gelekî asteng dike.
Li gorî yasaya nû, zarokên ku ji aliyê malbatên xwe ve hatine zewicandin bes dikarin heya serdema balixbûnê serlêdana betalkirina zewaca xwe bikin.
Mafparêzên jinan diyar dikin ku ev yasaya berbehs zewacên zarokan û yên bi darê zorê bi awayekî fiêlî rewa dike.
Mîsyona Alikariya Efxanistanê ya Neteweyên Yekbûyî (UNAMA) jî anî ziman ku sererastkirina nû li dijî mafên jin û zarokan êrîşeke nû ye û cihêkariya sîstematîk a li welêt kûrtir dike.
Li gorî texmînan, piraniya zarokên ku hatine zewicandin di bin 18 saliyê de ne.
Zêdetirî 100 saziyan ku di nava wan de rêxistinên mafên jin û zarokan jî cih digirin, bang kirin ku tavilê yasaya nû were betalkirin.
