Katz êvara Pêncşemê ji radyoya cemaweriyê ya Îsraîlê Kan re axivî û têkildarî lîderê olî yê Îranê Alî Xamaney got, “Eger di hedefa me de hebûya, me yê ew ji holê rakiribûya.”
Katz got, “Îsraîlê hewl da wî bikuje, lê belê firsendeke operasyonî bi dest neket.”
‘XWE LI KÛRAHIYÊ VEŞART’
Katz ji qenalên televîzyonê yên Îsraîlê Channel 12 û Channel 13 re jî daxuyaniyên bi heman rengî da.
Wezîrê Îsraîlê anî ziman ku Îsraîlê cihê Ayetullah Xamaney nekarî tespît bike û got, “Wî xwe gelekî li kûrahiyê veşart. Wî jî di dawiya dawî kir ku ev yek pêk neyê.”
Katz di dema şer de anîbû ziman ku Alî Xamaney ‘nikare hebûna xwe dewam bike’.
Lê belê di axaftina xwe ya ji bo Channel 13 de anî ziman ku Îsraîlê plana kuştina wî dewam nekir û got, “Ji ber ku berî û piştî agirbestê ji hev cuda ye.”
Katz ji saziya weşangeriya cemaweriyê ya Îsraîlê ‘Kan’ re axivî û got, ew pêşniyarê li lîderê olî yê Îranê dike ku di stargehê de bimîne.
Katz her wiha mikur hat ku ew cihê stokên ûranyûma dewlemendkirî ya Îranê nizanin, lê belê di êrîşên li ser tesîsên nukleerê de kapasîteya dewlemendkirinê ya Tehranê hatiye tinekirin.
