Komeleya Malbatên Şehîdan (KOMAW) ji bo Mihrîcana Çanda Kurdî a ku wê di 5’ê Îlonê de ku bajarê Dortmund ê Elmanyayê were lidarxistin banga beşdarbûnê kir.
KOMAW’ê di daxuyaniya xwe de diyar kir ku mihrîcan bes ne çalakiyeke çandî, hunerî û têkildarî nirxên civakî ye û got: ‘’Di heman demê de hevdîtineke girîng e ku wê îradeya gelê Kurd a têkildarî aşitî, demokrasî, azadî û pêkvejiyanê bi hêz were nîşandan.’’
Di daxuyaniyê de hate îfadekirin ku êş, windahî û bedêlên mezin êngelê Kurd di dîrokê de rû bi rû mane nîşan didin ku şer û pevçûn bandoreke mezin li civakan dikin û hate destnîşankirin ku ew weke malbatên şehîdan dixwazin ku êdî tu ewladên dayîkan jiyana xwe ji dest nedin û pêşeroja gelan ne bi şer şeran bi aşitî û rêyên çareseriyê yên demokratîk were avakirin.
Di dewama daxuyaniyê de hate diyarkirin ku di bingeha xebatên KOMAW’ê de jiyana însanan, aşitî, demokrasî, edalet û îradeya gelan a azad hene û ev yek hatin gotin: ‘’Em ne li rex şeran, li rex aştiyê; em ne li rex şer û pevçûnan, li rex çareseriya demokratîk; em ne li rex dijminahiyê, li rex xwişk-biratiya gelan sekinîn.’’
Piştre hate îfadekirin ku serkeftina pêvajoya ku ji aliyê Rêber Apo ve hatiye destpêkirinku aşitî û lêgerîna çareseriya demokratîk esas digire, bes ne ji bo pêşeroja gelê Kurd di heman demê de ji bo pêşeroja herêm û hemû gelan gelekî girîng e. Hate diyarkirin ku ji ber vê yekê divê piştgiriya hemû hewlên têkildarî çareseriya demokratîk û aşitiya mayînde bên kirin.
KOMAW’ê di dewama daxuyaniya xwe de daxwaz kir ku Mihrîcana Çanda Kurdî ya ku wê were lidarxistin jî bibe dengekî xurt ê vê nêzîkatiyê û got ku bila li qada mihrîcanê dirûşmeya ‘’Na ji şer û pevçûn, înkar û cudakirinê re erê ji aşitî, dîyalog, demokrasî û xwişk-biratiya gelan re’’ were berzkirin.
Di dewama daxuyaniyê de hate diyarkirin ku zindîkirina çand, huner, ziman û nirxên civakî yên gelê Kurd di heman demê de tê wateya xurtkirina çanda aşitiyê û hate destnîşankirin ku derbirîna gel û çandên cuda ya bi awayekî azad yek ji nîşaneyên herî girîng ên civaka demokratîk in.
KOMAW’ê di serî de malbatên şehîdan bang li gelê Kurd, dostên wan, saziyên demokratîk, rêxistinên civakî û hemû alîgirên aşitiyê kir ku beşdarî Mihrîcana Çanda Kurdî bibin ku wê di 5’ê Îlonê de ku bajarê Dortmund ê Elmanyayê were lidarxistin.
Di dawiya daxuyaniyê de ev yek hatin gotin: ‘’Werin em vê mihrîcanê veguherînin mihrîcana aştî, demokrasî, xwişk-biratî û îradeya pêkvejiyanê. Bila Mihrîcana Çanda Kurdî bibe dengê aştî, demokrasî û xwişk-biratiya gelan. Bila bibe dengê hêviya paşerojeke azad û demokratîk. Em bang li hemû gelê xwe dikin ku di 5’ê Îlonê de berê xwe bide bajarê Dortmundê.’’
