Rageşiya navbera Washington û Havanayê mehên dawî zêde dibe. Hikumeta Dewletên Yekbûyî yên Emerîkayê (DYE) roja Pêncşemê biryarek da û diyar kir ku pêkanînên aboriyê li ser Serokdewletê Kubayê Miguel Diaz-Canel û hin endamên malbata Castro ferz kiriye.
Kurê lîderê berê yê Kubayê Raul Casro Alejxandro Castro Espin û yek ji neviyên wî jî tevlî lîsteya pêkanînan hate kirin. Raul Castro yê 95 salî li gel ku wezîfeyeke xwe ya fermî nîne, tê gotin di pêvajoyên biryardanê yên têkildarî paşeroja welêt de xwedî bandor e.
Her wiha hevjîna Serokdewlet Diaz Canel û zirkurê wî, Wezareta Hêzên Çekdar a Şoreşger a Kubayê jî li lîsteya reş a Wezareta Xazîneyê ya DYE’yê hatin bicihkirin.
Têkildarî Diaz-Canel di Tîrmeha 2025’an de Wezareta Karên Derve ya DYE’yê biryara pêkanînê dabû.
Têkiliyên navbera DYE û Kubayê ji destpêka salê û vir ve di asteke girîng de nebaş bû. Rêveberiya Washingtonê di pratîkê de ambargoiyeke petrolê daniye ser Kubayê. Her wiha pêkanînên nû li ser gelek şîrket û rêveberên Kubayê hate ferzkirin.
Meqamên DYE’yê her wiha ji ber dosyayeke heta sala 1996’an Serokdewletê berê Raul Castro sûcdar dike.
Serokê DYE’yê Donald Trump îdîa dike ku Kuba ya ku bi 150 kîlometreyî dûrî peravên Floridayê ye, ji aliyê ewlekariya neteweyî ya Emerîkayê ve “gefeke awarte” ye.
Trump di daxuyaniyên xwe yên dema dawî de ji bo kontrolkirina Kubayê gotinên gefxwarinê bi kar anî.
Li gel rageşiyê jî rêveberiyên Washington û Havanayê têkiliyên xwe yên dîplomatîk dewam dikin.
