Êvara 1’ê Hezîranê bi hezaran Kurdistanî li gel dostên xwe beşdarî konserê bûn û peyamên yekîtî, piştevanî û berxwedanê dan.
Hate ragihandin ku hatineya ji konserê bi rêya Medico International û Heyva Sor a Kurd wê ji karên alîkariya mirovî û tenduristiyê yên li Rojava re bê ragihandin.
Amadekaran diyar kirin ku li Bakur û Rojhilatê Sûriyeyê sivîl li êrişên giran rast hatin, êriş li binesaziya sivîl hatin kirin û rewşa mirovî ya li herêmê xera bûye.
Di dema konserê de posterên Rêber Apo û alên YPJ û YPG’ê hatin hildan. Qisekeran tim û tim dirûşm qîriyan û piştgirî dan gelê Rojava.
Yek ji kêliyên herî balkêş ên şevê jî derketina ser dikê ya Koma Berxwedan bû. Kom piştî heft salan derkete ser dikê û berhemên xwe pêşkêş kir. Bi hezaran kesên tevlî konserê bûn jî bi komê re stranên wê gotin.
Di konserê de her wiha AK Ausserkontrolle, Ceren, Hakim Lokman, Hoti, K.I.Z, Kurdo, Lune, OG LU, Pashanim û Paula Hartmann derketin ser dikê û hunera xwe pêşkêş kirin. Beşdaran her wiha piştgirî dan gelê Rojava.
Amadekaran diyar kirin ku konser ne tenê çalakiyeke çand û hunerê ye, di heman demê de nîşaneyeke şênber a piştevaniya bi gelê Rojava re ye, lewma spasiya hunermend û beşdaran kirin.
