Li gorî nûçeya Ajansa Mezopotamyayê, 5 sal in li herêmên Cûdî, çiyayên Gabar û Bestayê yên Şirnexê bê navber dar tên birîn. Qirkirina xwezayê di bin navê ‘ewlehiyê’ de di bin çavdêriya leşkerên Tirk de bi destê cerdevanan tên kirin.
Li Xirbgebestê û Avyanê ku dikeve herêma Bestayê di bin çavdêriya leşkeran de dar tên birîn. Cerdevanên ku ji gundê Berwarî Hosyan tên herêmê tê dîtin ku bi birekên elektrîkê darên bîrdariyê dibirin.
18 gundên li Bestayê di salên 1990’an de bi îdîaya ‘ewlehiyê’ hatin valakirin û ji wê demê û vir ve ketina sivîlan ji bo vê herêmê girêdayî destûrên fermî ne. Cerdevan di bin çavdêriya leşkeran de daran dibirin. Hin darên tên birîn weke êzing ji bo qereqolên leşkerî tên veguhastin û yên din jî ji bo bazirganiyê dişînin bajarên cuda.
