Çalakî, bi banga kolektîfa bi navê ‘GenZ 212’’ ya demeke kurt beriya niha hatî avakirin û xwe li ser medyaya dijîtal rêxistin kiriye, tên lidarxistin.
Li gorî nûçeya AFP’ê, hêzên ewlehiyê rê nedane ku xwepêşander li navenda paytext kom bibin û gelek ciwan binçav kirine.
Serokê şaxa xwecihî ya Komeleya Mafên Mirovan a Fasê Hakim Sikouk ragihand ku li Rabatê herî kêm 60 kes û li bajarên weke Kazablanka, Agadir, Ucda û Meknesê jî hin xwepêşander hatine binçavkirin ku hejmara wan nayê zanîn.
Xwepêşanderan dirûşmeyên weke; ‘’Gel daxwaza tenduristî, perwerde û hesabdayînê dike’’ berz kirin û daxwaza îstîfaya Serokwezîr Aziz Ahannuş kirin.
Rayedaran, têkildarî kesên ku di rojên dawîn de hatine binçavkirin, daxuyaniyeke fermî nedane. Li gorî rêxistinên mafên mirovan, dawiya hefteyê roja Şemiyê zêdetirî 70 kes û roja Yekşemê jî zêdetirî 100 kes hatine binçavkirin. Hate ragihandin ku piraniya wan hatine berdan û 15 û 20 kes jî ji dozgeriyê re hatine sewqkirin.
GenZ 212, xwe li ser platpormên weke Discordê xwe birêxistin dike, diyar dike ku ew tundiyê red dike û weke komeke ku di çarçoveya ‘’hezkirina welat û Şah 4’emîn Muhammed’’ de tev digere, tê naskirin.
Çalakiyên protestokirinê, di serdema newekheviyên mezin ên civakî û zêdebûna nerazîbûnên têkildarî pergala tenduristiyê de tên lidarxistin. Beriya niha li bajarê Agadirê li nexweşxaneyeke dewletê heşt jinên ducanî ji ber sezaryanê jiyana xwe ji dest dabûn û ev yek bûbû sedema mezinbûna nerazîbûnan û piştre jî li gelek bajaran xwepêşandanên hevşib hatibûn lidarxistin.
