Li gorî çavkaniyên fermî, tenê li herêma Cebu cenazeyên 35 kesên din hatin dîtin, li herêmê hejmara miriyan gihişt 76’an. Li herêmên din ên welêt jî herî kêm 17 kesan jiyana xwe ji dest dan. Bi giştî windahiya can weke 93 hate ragihandin.
Baranên tund ên li Cebu û derdora wê bariyan, li bajarên mezin jî bû sedema zirarên cidî. Gelek cih di bin avê de man. Wesayît, kamyon û konteynirên mezin ên kargoyan ketin ber lehiyê.
Li gorî nûçeya AFP’ê, rayedarê parastina sivîl Rafaelito Alejandro diyar kir ku lehî kêm bûn, lê li ser rêyan gelek kavil man û got, “Niha zehmetiya herî mezin jinûve avakirina rêyan û gihandina alîkariyê ye.” Nêzî 400 hezar kes ji bo ji bagerê bên parastin, berê hatibûn tehliyekirin.
Li gorî rayedarên meteorolojiyê, li derdora Cebuyê di nava 24 saetan de 183 mm baran bariya.
Tê ragihandin ku bager di saetê de bi leza 120 km, carna bi leza 165 km ber bi herêma Palawan ve diçe.
