Trump ji Fox Newsê re axivî û anî ziman ku di muzakereyên bi Tehranê re pêşketineke girîng çêbûye.
Trump diyar kir ku Îranê destpêkê ragihand ku wê çeka nukleerî çêneke, lê belê li ser daxwaza Dewletên Yekbûyî yên Emerîkayê (DYE) ev soza xwe berfireh kiriye û got, “Êdî dibêjin ne wê çêbikin, ne jî bi ti awayî çeka nukleerî bikirin.”
Serokê DYE’yê diyar kir ku peyman hîn erê nekiriye, lê belê hevdîtin ber bi aliyekî erênî ve diçe.
Trump got, “Bi dîtina min, em tişta ku dixwazin hêdî lê bi gavên ewle bi dest dixin. Eger em vê bi ser nexînin, dibe ku mijar bi rengekî cuda bi encam bibe” û bi rengekî neyekser hişyarî da Îranê.
Wezîrê Parastinê yê DYE’yê Pete Hegseth jî diyar kir ku eger muzakere bi ser nekeve, Washington xwedî wê kapasîteyê ye ku careke din li hemberî Îranê operasyona leşkerî bike.
Li gel dewamiya rageşiya li herêmê, Muxafizên Şoreşê yên Îranê jî îdîa kirin ku wan droneyeke DYE’yê xistine. Artêşa Îsraîlê jî ragihand ku operasyonên xwe yên bejahî yên li başûrê Lubnanê berfireh kiriye.
