Alîkarê Fermandarê Hêzên Ewlekariya Hundirîn ê Hesekê Mehmûd Xelîl got, komek ji şervanên QSD’ê yên ji aliyê komên ser bi Hikumeta Demkî ya Sûriyeyê ve dîl hate girtin wê bêne berdan.
Rayedaran diyar kirin ku zêdeyî 300 dîlgirtî wê li herêma Xaçerêya El Sebax a li Hesekê bi rengekî fermî bêne berdan.
Hêzên Ewlekariya Hundirîn navê 300 êsîrên bêne berdan parve kir û tê payin ku êsîr bi otobusan bigihêjin Hesekê.
Hate gotin, pêvajo bi du aliyan tê meşandin, QSD jî di heman çarçoveyê de 300 girtiyên Hikumeta Demkî ya Sûriyeyê berdaye.
Di daxuyaniya Hêzên Ewlekariya Hundirîn a Herêma Cizîrê de hate ragihandin ku pevguhertina êsîran ji bo bicihanîna peymana 29’ê Çileyê û xurtkirina aramî û aştiya sivîl a li herêmê pêk hatiye.
Di daxuyaniyê de her wiha hate gotin, lîsteya navê kesên hatin berdan bi raya giştî re hate parvekirin.
