Rêveberiya Polîsên Hewlêrê di daxuyaniyek de ragihand, ew ji hebûna cenazeyê jinekê li gundê Şêx Turab hatin agahdarkirin. Tîmên wan yekser çûne cihê bûyerê û dest bi lêkolînê kirine.
Di daxuyaniyê de hatiye diyarkirin, piştî lêkolîna destpêkê çar gumanbarên bi navên; H.S.A, M.H.S, M.H.S û A.R.K hatine binçavkirin û lêpirsîna li gel wan de didome.
Li gor amarên ku RojNewsê parve kirine, di nava 9 mehên borî de li Başûrê Kurdistanê 55 jin bûne qurbanî ku 26 ji wan hatine kuştin û 29 jî bi awayek bi guman jiyana xwe ji dest dane.
