Li eyaleta Huzistanê ya Îranê ku ji aliyê çavkaniyên petrolê ve cihekî dewlemend e, agir bi parzûngeheke petrolê ket.
Li gorî Ajansa Nûçeyan a Fermî Îrnayê, waliyê bajarê Şuştarê Muhsin Musavi diyar kir ku ji ber şewatê kesekî jiyana xwe ji dest da, 4 kes jî birîndar bûn.
Rayedar got, qemyoneke tankerê li tankerên petrolê ket û bûyerê bi vî rengî rû da. Hate ragihandin ku têkildarî bûyerê lêpirsîn hatiye destpêkirin.
Ajansa Nûçeyan Îrnayê piştre ragihand ku ji ber tedbîrên ewlehiyê di dema tijîkirina sotemeniyê de bi cih nehatin anîn, şewatê rû da.
