Rêxistina Mafên Mirovan a HRANA’yê têkildarî qetilkirina jineke ciwan a li Rojhilatê Kurdistanê agahî da.
Di raporê de hatiye gotin, Hana Rekan a 16 salî û xelkê Kermaşanê ya Rojhilatê Kurdistanê ye, dema di xewê de bû ji aliyê bavê xwe yê bi navê Muctaba Rekan ve bi guleyeke demanceyê hate qetilkirin.
Hate ragihandin ku Hana Rekan salek bû di jêr kontrola hişk a malbatê de dijiya. Hana karibû heta refa 4’an a seretayî biqedîne. Ji mafê xwendinê hatibû bêparkirin.
Hêjayî gotinê ye ku li gorî rapora rêxistina Dîdabanê, di meha borî de li herêmên cuda yên Rojhilatê Kurdistan û Îranê herî kêm 23 jin hatin qetilkirin.
