Ji bo 15`ê Gulanê Cejna Zimanê Kurdî li Zanîngeha Kobanê, hola parka Ronîwar, cihê Kongra Star, Şaredariya Kobanê, hola navenda PYD`ê û li Dibistana Şehîd Hogir a bajarê Kobanê rêzeçalakî hatin lidarxistin.
Semînera Ii hola navenda PYD`ê ya kantona Firatê bi deqeyek rêzgirtinê dest pê kir. Semîner piştî rêzgirtinê Rêveberiyê Saziya Zimanê Kurdî yê bajarê Kobanê Şervan Bekir ve hat dayîn.
Di semînerê de hat diyarkirin ku ziman ew sîstema danûstandinê ye ku ji deng, sembol û rêzikên ku mirov ji bo derbirîna raman, hest û xwestekên xwe bi kar tîne, pêk tê û wiha hat gotin: “Wekî Kurdî, Farisî, Spanyoli hwd. li ser rûyê dinyayê, texmînî 6 hezar ziman 6 10 hezar zarava tên axaftin. Li gor van zimanan, ji sedê 40 ê zimanên cîhanê di bin metirsiya windabûnê da ne. Ji 6 hezar zimanan, tenê 170-200 ziman wekî zimanên fermî ne. Nêzîkî 700-800 zimanê wekî zimanên perwerdehiyê tên bikaranin.”
Her wiha di semînerê de li ser devok, zarava û li her cihekî ziman û zaravayên ku li wê derê tên axaftin mînak hatin dayîn.
Di heman wextê de li Peymangeha Şehîd Zozan xwendekarên peymangehê hatin derçûn, xwendekarên beşa mamostetiya refê, dîrok, wêjeya Erebî û wêjeya Ingilîzî hatin derçûn.
Piştî rêzgirtinê, Hevseroka Desteya Perwerde û Fêrkirinê ya Kantona Firatê mamoste Şîrîn Ebdî axivî. Mamoste Şîrîn Ebdî ev roj li tevahî şagirtan pîroz kir û got: “Şoreşa Rojava gava ku dest pê kir, pêre şoreşa ziman jî dest pê kir, zanist û zanîn bû faktura bingehîn û esasî. Ji lew re jî xwendekarên me soza xwe ya xwendinê bi zimanê xwe da û vaye îro jî car din bi zimanên xwe dixwînin.”
Dûra jî Hevserokê Peymangeha Şehîd Zozan a Amadekirina Mamosteyan mamoste Hesen Ebdo Elî jî axivî û got ku ew serketina xwendekaran li her kesî pîroz dikin û got: “Me şoreşekî bîrdozî û ramyarî jî li kêlek şorşa xwe da, di wir de me şoreşa xwe ya ziman bi pêş xist. Îro jî desteyên me yên perwerdeyê, zanîngeh û dibistanên me hene. Em jî vê rojê li mamoste viyan û hogiran pîroz dikin.”
Dûra ji aliyê xwedekar Beşar stran hat gotin. Piştî stranê xwendekaran xelat dan mamosteyên peymangehê û govend gerandin.
Di dawiyê de bawernameyên serketinê li tevahî xwendekaran hatin belavkirin.
