Li gorî daxuyaniya şîrketê, seferên balafirên Lufthansa, Lufthansa CityLine û Lufthansa Cargo hatin betalkirin û bandor li nêzîkî 100 hezar rêwiyan kir.
Grev herî zêde bandor li balafirgehên Frankfurt, Berlîn, Hamburg û Dusseldorfê kir. Li Munchenê piraniya seferên ku hatibû plankirin pêk hatin.
Şîrketê ragihand ku rêwî dikarin biltên xwe paşde bixin an jî pereyên xwe bistînin. Ji bo rêwîtiya navxweyî ya li Elmanya, ji rêwiyan re derfeta ku trênên Deutsche Bahn bêpere bi kar bînin, hat dayîn.
Lufthansayê ragihand ku armanc dikin ku ji roja Înê û pê ve “bi qasî ku pêkan be wê vegerin rewşa asayî”.
EWLEHIYA TEQAWIDIYÊ Û KAR
Sendîkaya Vereinigung Cockpit ku nûnertiya pîlotan dike diyar kir ku grev ji ber nakokiyek li ser pergala teqawidiyê ya şîrketê derketiye holê.
Sendîkayê anî ziman ku sîstema heyî “gelekî binê” asta dahata berê ya pîlotan e û daxwaza peymanek kolektîf a ku ewlehiya pîlotan misoger dike, kir.
Sendîkaya UFO ya ku nûnertiya karmendên kabînê dike, ji bo hişyarkirina CityLine ya ku seferên Ewropayê dike banga grevê kir.
Sendîkayê destnîşan kir ku CityLine bi xetereya girtinê re rû bi rû ye, rêveberiya şîrketê li ser girtinê daxuyanî nedaye.
Rêveberê Çavkaniyên Mirovan ê Lufthansayê Michael Niggermann bang li aliyan kir ku “li şûna aloziyê diyalogek avaker” bikin.
Lufthansa ya ku yek ji mezintirîn komên balafirgehê yên Ewropayê ye, markayên wekî Eurowings, Austrian Airlines, Swiss, û Brussels Airlines di bin banê xwe de dihewîne.
