Şevê din li dijî Qada Gazê ya Kormorê ya li devera navçeya Çemçemalê ya girêdayî bajarê Silêmaniyê êrîşek pêk hat û di encamê de li qadê şewateke mezin derket.
Hate zanîn ku ji ber êrîşê, şewateke mezin li Qada Gazê ya Kormorê derketiye û hilberîna gazê hatiye rawestandin. Her wiha li gor dîmenên ji qadê, zenga agahdarkirinê hate lêdan û agirek pir mezin li qadê derketiye.
Heta niha têkildarî êrîş û curê êrîşê bi awayekê fermî tu daxuyanî ji hêla aliyên peywendîdar ve nehatiye dayîn. Lê li gor agahiyên hatine bidest xistin, li beşa LPG ya qadê di encama êrîşê de şewateke mezin derketiye û guman tê kirin ku êrîşa droneyê be.
Hêjayî bibîrxistinê ye ku duh li asîmanê Qada Gazê ya Kormorê droneyên ku nayên zanîn yên kîjan welat an hêzanin, digeriyan.
