Malbatên dîlgirtiyên ji şervanên Hêzên Sûriya Demokratîk (QSD) bi daxwaza berdana zarokên xwe li Çerxerêya Sonî ya naverasta bajêr çalakî li dar xistin. Di çalakiyê de wêneyên zarokên xwe hildan û dirûşmên bi banga bersiva daxwazên wan bidin, zarokên wan berdin berz kirin.
AMÛDÊ
Di çarçoveya çalakiyên malbatên dîlgirtiyan ên bi daxwaza berdana zarokên xwe yên li gel hikumeta demkî ya Sûriyeyê girtî ne de, li Qada Jina Azad a Amûdê çalakiyek hat organîzekirin. Di çalakiyên malbatên dîlgirtiyan, zarokên wan û xelkê bajêr kom bûn, wêne dîlgirtiyan û pankartên “Zarokên me berdin”, “Em zarokên xwe dixwazin” hatin hildan.
Di çarçoveya Peymana 29ˊê Çileyê de heta niha 5 komên dîlgirtiyan hatine berdan û îro jî 28 şervanên YPJˊê yên dîl hatin berdan. Malbat daxwaza berdana hemû şervanan dikin.
